Milani ka nënshkruar zyrtarisht me Samuel Chukwueze nga Villarreali në një marrëveshje me vlerë rreth 28 milionë euro, duke përfshirë bonuset, ndërsa ka nënshkruar kontratë të vlefshme deri në vitin 2028.
Sulmuesi nigerian mbërriti dje për testet e tij mjekësore dhe i kaloi ato me sukses, duke firmosur sot kontratën pesëvjeçare.
Një deklaratë nga kuqezinjtë konfirmoi se Chukwueze ka zgjedhur fanellën me numrin 21 për këtë sezon në San Siro.
“AC Milan është i kënaqur të njoftojë nënshkrimin e Samuel Chimerenka Chukwueze nga Villarreal CF. Sulmuesi nigerian ka nënshkruar për kuqezinjtë deri më 30 qershor 2028”, thuhet në njoftimin e Rossonerëve.
Sipas Sky Sport Italia, Sportitalia dhe disa mediave tjera, marrëveshja u arrit për 20 milionë euro plus deri në 8 milionë euro tjera bonuse ndryshme të lidhura me performancën.
Nga ana tjetër, Milani gjithashtu ka huazuar mbrojtësin Matteo Gabbia te Villarreal për një sezon, pa opsion blerjeje.
Chukwueze shënoi 13 gola dhe dha 11 asistime në 50 paraqitje për Villarrealin sezonin e kaluar.
✍️ It's official: Samuel is Rossonero! 🆕🔴⚫ #ACMQuest #SempreMilan pic.twitter.com/4Uqhf6i3Ac
— AC Milan (@acmilan) July 27, 2023
