Marrëdhënia mes Kendall Jenner dhe Bad Bunny është një nga historitë më të veçanta dhe më të bukura të shfaqura gjatë muajve të fundit.
Ata të dy janë kapur nga paparacët në disa takime në Los Angeles, duke përfshirë edhe koncertin e madh në Coachella. Megjithatë, modelja dhe këngëtari janë përpjekur ta mbajnë disi të fshehtë lidhjen e tyre, pasi asnjëri nuk e ka konfirmuar nëse janë çift.
Ata madje kanë marrë pjesë në një lojë të Los Angeles Lakers së bashku, janë parë në Met Gala 2023, apo edhe janë parë duke kaluar kohë së bashku me pushime. Sa herë që shihen së bashku ata bënin bujë, deri në atë pikë sa disa përdorues në rrjetet sociale pyesin veten nëse është në të vërtetë dashuri apo thjesht gjithçka bëhej për vëmendje.
Takimi i tyre më i fundit ishte në koncertin e Drake të dielën. Një dëshmitar i tha Page Six se çifti “po dilte jashtë teksa Kim Kardashian ishte pranë tyre” në Kia Forum në Inglewood, Kaliforni. Të gjithë ata që ishin pranë çiftit regjistruan përqafimin dhe puthjen në celularët e tyre ndërsa Drake performonte koncertin e tij.
Modelja 27-vjeçare është filmuar duke përqafuar reperin 29-vjeçar ndërsa i fliste në vesh gjatë performancës së Drake të “God’s Plan” në turneun “It’s All a Blur”./E.Ç
