Numri i të vdekurve nga zjarret shkatërruese që shpërthyen në Maui një javë më parë vazhdon të rritet nga zjarri më i fuqishëm që ka goditur SHBA në 100 vitet e fundit.
Që nga përditësimi i fundit, 99 persona janë konfirmuar të vdekur dhe operacionet e kërkimit për të zhdukurit janë në vazhdim. Kryebashkiaku i Hawaiit, Josh Green, paralajmëroi se viktimat mund të dyfishohen në 10 ditët e ardhshme.
Nga zjarret, zyrtarët thonë se flakët në Kula në Upcountry Maui shkatërruan mbi 500 ndërtesa dhe dogjën gati 700 hektarë. Zyrtarët parashikuan që kostot e rindërtimit të Kulës të jenë të paktën 434 milionë dollarë. Që nga mbrëmja e së hënës, zjarri është 65% nën kontroll, duke djegur rreth 678 hektarë.
Autoritetet janë ende në kërkim të të zhdukurve në Lahaina, që ndodhet në anën perëndimore të Maui. Zona ka parë shumë dëme , me zyrtarët që kanë kontrolluar vetëm një të katërtën e pjesëve të prekura ku dikur jetonin rreth 12,000 njerëz. Sipas zyrtarëve, zjarri në Lahaina është 85% i kontrolluar dhe ka djegur rreth 2,170 hektarë. Nuk ka kërcënime aktive për momentin.
Megjithatë, identifikimi i individëve të vdekur ka rezultuar të jetë një detyrë e mundimshme, me vetëm tre nga 99 personat e gjetur të identifikuar përmes analizës së gjurmëve të gishtërinjve. Banorët në ishull janë inkurajuar të japin tamponat e ADN-së për të ndihmuar në identifikimin e të dashurve. Green raportoi se mbi 2,200 struktura në Lahaina u shkatërruan, me pronat e banimit që përbëjnë pothuajse 90% të totalit.
