Përpos mediave italiane, dhe ato greke po i dedikojnë artikuj Shqipërisë, duke parë bumin turistik. Ky sezon veror e ka gjetur Shqipërinë me më shumë turistë se kurrë më parë. “Kathimerini”, një prej të përditshmeve më të lexuara në vendin fqinj, shkruan se Shqipëria po tregon se po shndërrohet në një destinacion të pëlqyer për turistët grekë dhe ata italianë.
Media greke shkruan se shqiptarët në vitin ’97 lanë shtëpitë e tyre për ti shpëtuar varfërisë, e ndërsa sot është një situatë tjetër. Këtë vit, turistët italianë dhe evropianë të tjerë, mes tyre edhe grekë, po mbushin plazhet shqiptare, duke përfituar nga kostoja e ulët e transportit dhe e akomodimit.
Shkrimi nga media greke
Në vitin 1997, shqiptarët që përpiqeshin dëshpërimisht t’i shpëtonin varfërisë, paqëndrueshmërisë politike dhe krimit, po mbushnin varkat e drejtuara drejt Italisë.
Këtë vit, turistët italianë dhe evropianë të tjerë, mes tyre edhe grekë, po mbushin plazhet shqiptare, duke përfituar nga kostoja e ulët e transportit dhe e akomodimit.
Mbërritjet ndërkombëtare në aeroportet shqiptare u dyfishuan në qershor krahasuar me të njëjtin muaj të vitit 2022.
Turistët italianë preferojnë gjithnjë e më shumë Shqipërinë ndaj pushimeve të brendshme, të cilat u ulën nga 20% në 30% gjatë katër muajve të parë të 2023.
