Ekipi i Partizanit ende nuk ka gjetur trajner që nga shkarkimi i italianit Franko Lerda, pas humbjes së derbit me Tiranën më 13 dhjetor.
Humbja e një ndeshje të tillë si derbi gjithmonë është përjetuar keq në radhët e Partizënit, të cilët edhe në ndeshjen e para pesë viteve, në takimi e 7 shkurtit 2014 shkarkuan nga detyra teknikun Hasan Lika.
Lera u shkarkua një ditë pas humbjes së derbit, pra më 14 dhjetor dhe deri më tani nuk është gjetur ende zëvendësuesi i italianit.
Pas përfoljes së emrave të tillë si Orges Shehi apo Ilir Daja, tashmë duket se “Demat” i kanë kthyer sytë sërish nga Italia. Qëllimi është sjellja në Tiranë e një tekniku me emër, por që në të njëjtën kohë ka njohuri nga kampionati shqiptar ndonëse e mira do ishte të njihte sadopak edhe vetë skuadrën.
Presidenti Gaz Demi do të donte të vinte në krye të skuadrës teknikun italian Addolfo Sormani, i cili u largua nga Partizani pas javës së gjashtë të sezonit 2016-2017. Sipas Demit, Sormani është i vetmi trajner ndaj të cilit ndihet borxhli dhe ka cilësuar largimin e tij si shumë të nxituar.
Momentalisht Partizanit i duhet një trajnerë që të ketë njohuri mund të themi të mjaftueshme të realitetit të sportit shqiptar, ndaj Adolfo Sormani shikohet si mundësia më e mirë e mundshme./Përgatiti: Fjala.al/
