Ajo është padyshim një nga modelet më të suksesshme shqiptare që ka patur fatin të punojë me emrat që kanë bërë histori në industrinë e modës. E famshme, e bukur, e realizuar si profesioniste, si nënë dhe bashkëshorte dhe gjithashtu një njeri me zemër të madhe për t’u patur zili. E kush do t’i përmbidhte të gjitha këto në një personazh të vetëm, përpos Emina Çunmulaj?
Mirëpo pavarësisht se ka prekur majat, Emina vijon të mbetet një vajzë e përulur dhe me këmbë në tokë që s’e harron kurrë origjinën e saj, jetën në fshat, si dhe është gjithnjë e gatshme të japë kontributin e saj dhe t’u bashkohet kauzave për njerëzit në nevojë. Së fundmi, ajo mori pjesë, më saktë shkëlqeu në jurinë e “Miss USA” prej nga ku dha një mesazh emocionues për të gjitha vajzat, duke marrë si shembull veten e saj, që nga jeta në Tuz e deri në këtë pikë ku është dhe fton të gjitha vajzat me një ëndërr që mos dorëzohen kurrë sepse kur ajo ja doli, të gjitha mund t’ja dalin.
“Dua të them diçka. Jam një vajzë nga një qytet i vogël, jam një vajzë shqiptare, nga një fermë të vogël ku milja lopët deri në moshën 15-vjeçare dhe tani jam pjesëtare e jurisë së “MISS SHBA”. Prandaj e dini çfarë? Endërroni vajza të vogla sepse endrrat do t’ju plotësohen edhe juve. Po e bëj këtë për veten time por edhe për çdo vajzë shqiptare”,-dëgjohet të thotë Çunmulaj, duke ju drejtuar edhe vajzave anembanë botës në anglisht, por siç ajo thekson, sidomos atyre shqiptare./E.Ç
