Lufta Izrael- Palestinë sa vjen e po bëhet më e përgjakshme. Ndërkohë që nuk kanë kaluar ende 48 orë që prej nisjes së sulmit të militantëve të Hamasit ndaj Izraelit, bilanci për të dyja palët paraqitet tejet i rëndë.
Sipas mediave të huaja në Izrael deri më tani janë regjistruar 600 viktima, ndërsa në Palestinë 413, mes tyre edhe fëmijë. Në lidhje me këtë situatë të jashtëzakonshme kanë qenë të shumtë shtetet e solidarizuara me Izraelin dhe sigurisht edhe personazhe të famshëm.
Diva e muzikës Madonna, përmes një postimi në rrjetet sociale ka reaguar ashpër duke thënë se ajo që po ndodh në atë shtet është shkatërruese. Ajo shkruan se konfliktet nuk mund të zgjidhen kurrë me dhunë por fatkeqësisht njerëzimi nuk e ka kuptuar këtë të vërtetë universale.
Gjithashtu shton se lutjet e saj shkojnë për Izraelin dhe për të gjithë ata që po vuajnë nga ky konflikt, ku thekson se ky sulm tragjik do të shkaktojë vetëm më shumë vuajtje për të gjithë.
“Ajo që po ndodh në Izrael është shkatërruese. Të shikosh të gjitha këto familje dhe veçanërisht fëmijët duke u grumbulluar, sulmuar dhe vrarë në rrugë është zemërthyese.
Imagjinoni sikur kjo të ndodhte me ju??
Është e pakuptueshme. Konfliktet nuk mund të zgjidhen kurrë me dhunë. Fatkeqësisht njerëzimi nuk e kupton këtë të vërtetë Universale. Kurrë nuk e ka kuptuar. Ne jetojmë në një botë të shkatërruar nga urrejtja. Zemra ime shkon në Izrael. Familjeve dhe shtëpive që janë shkatërruar. Për fëmijët e humbur.
Për viktimat e pafajshme që janë vrarë. Për të gjithë ata që vuajnë ose që do të vuajnë nga ky konflikt. Unë lutem për ju. Jam i vetëdijshëm se kjo është punë e Hamasit dhe ka shumë njerëz të pafajshëm në Palestinë që nuk e mbështesin këtë organizatë terroriste. Ky sulm tragjik do të shkaktojë vetëm më shumë vuajtje për të gjithë. Le të lutemi të gjithë. Për Izraelin. Për Paqe. Për botën”, shkruan këngëtarja./E.Ç
View this post on Instagram
