Reshjet e dendura të shiut kanë shkaktuar përmbytje dhe kanë lënë pasoja të mëdha në disa qytete.
Por ndërkohe që Emergjencat Civile janë me dhimbje koke, duket se në KESH do të fillojë festa.
Kjo, pasi, ana e mirë e reshjeve të dendura të shiut janë prurjet në Kaskadën e Drinit.
Prurjet në Fierzë ishin 90 m3/s dhe arritën 370 m3/s, ndërsa niveli u rrit me 263.93 metra nga 263.54 metra. Pra, për 11 orë niveli i ujit është rritur me rreth 40 centimetra.
Prujet në Koman ishin 30 m3/s dhe aktualisht janë rreth 325 m3/s. Në momentin që nisën reshjet niveli ishte 169.20 metra dhe tashmë ka shkuar në 170.00 metra.
Prurjet në Vaun e Dejës ishin 20 m3/s dhe aktualisht janë 120 m3/s, ndërsa niveli është 74.03 metra.
Mësohet se prodhimi në kaskadë po mbulohet nga Komani dhe Vau i Dejës, prodhimi në Fierzë është zero dhe do të bëjë të mundur përmirësimin e rezervës energjetike me rritjen e prurjeve.
KESH po ashtu parashikon një situatë të mirë edhe në ditët në vijim.
Prurjet për datat 5 dhe 6 nëntor priten të jenë mesatarisht në Fierzë 250 m3/s, në Koman 450 m3/s dhe në Vaun e Dejës 100 m3/s.
Madje KESH nuk planifikon të bëjë shkarkime nga tunelet apo portat, por të gjithë prurjen do ta gjenerojë për prodhim energjie në Koman dhe në Vaun e Dejës.
Ndërkohë, në liqenin e Fierzës prurjet do të dopozitohen, duke bërë të mundur që në periudhën në vazhdim niveli do të rritet me rreth 40 cm në ditë./ S,M
