Mbledhja e Komisionit të Sigurisë është shoqëruar me debate mes deputetëve.
Pasi deputetët demokratë janë njoftuar se mbledhja e Komisionit të Sigurisë do të shtyhet për në orën 14:00 për t’u mbajtur online, ata kanë thënë se në këtë mënyrë po shkelet Kushtetuta e vendit.
Kanë qenë demokratët, Gazment Bardhi dhe Flamur Noka, ata të cilët e kanë kundërshtuar këtë vendim teksa kanë thënë se komisionet duhen bërë në mënyrë normale dhe jo online.
Pjesë nga debati në Komisionin e Sigurisë:
Gazment Bardhi: Ju jeni duke shkelur rregulloren. Respektoni Kushtetutën dhe bëni komision në mënyrë normale.
Flamur Noka: Kjo që po bëni online, shteti në klandestinitet. Respektoni Kushtetutën e këtij vendi. /O.S
