Të infektuarit me covid-19 në Vaun e Dejës janë shtuar, pasi sot u konfirmua me virus edhe nëna e të prekurit të pare. Ky konstatim e ka çuar në 3 numrin e të infektuarve të së njëjtës familje. Një ditë më parë ka rezultuar me koronavirus dhe kunata e 35 vjeçarit. Kjo është një famije e madhe me 5 djem.
Tre prej tyre përfshi dhe 35 vjeçarin jetojnë me familjet e tyre në një shtëpi private me kate të ndara.
I infektuari i parë jeton me nënën që sot u konfirmua si pozitive, me bashkëshorten që një ditë më parë rezultoi negative dhe me fëmijët e tyre.
Po anëtarëve të tjerë të familjes nuk ju është marrë analiza dhe për pasojë ata kanë denoncuar në ABC News dhe kanë rrëfyer se as fëmijëve të të prekurit nuk i është marrë tamponi.
Ndërsa theksojnë se nuk i është marrë analiza as nipit të tij që i ka bërë frymëmarrje artificiale kur ende nuk ishte i konfirmuar me koronavirus.
Abcnews denoncon faktin se 35 vjeçari rreth 8 ditë më parë, është vizituar në spitalin e Shkodrës dhe ka pasur kontakt me personelin shëndetësor dhe as këtyre të fundit nuk ju është bërë analiza. Ndaj familjarët kërkojnë më shumë përgjegjshmëri nga strukturat e larta shëndetësore dhe sa më shpejt t’ju merret tamponi familjarëve të 35-vjeçarit
