Bëji vetes këto 12 pyetje dhe zbulo nëse ke trauma nga fëmijëria

113 563 lexime

124,178FansaPëlqeje

Mund të jetë e vështirë që të pranosh një traumë fëmijërie, veçanërisht kur e di historinë dhe origjinën e saj. Në fakt, për shumë njerëz është më e thjeshtë që të qëndrojnë në mohim të vazhdueshëm dhe të mos e pranojnë se kanë një traumë që buron nga fëmijëria e tyre. Shpesh, ata përqafojnë mendësinë: “Edhe çfarë? Të gjithë kanë trauma”, çka i mban ata të ngecur në mohim.

Sipas terapistes Kaytee Gillis, është e rëndësishme që njerëzit të kuptojnë se një histori traumatike sjell edhe fajin, pendesën dhe një sërë ndjenjash negative, por nëse këto ndjesi fshihen dhe shtypen, dalin në mënyra të papritura. Shumë njerëz përjetojnë emocione negative kur duan që të shërohen prej traumave, të tjerë, mund të kenë vështirësi të tilla që provokojnë pasiguri, por sërish, traumat duhen zgjidhur.

Nëse mendon se ka një mundësi që traumat e së shkuarës të ndikojnë në jetën tënde në të tashmen, disa pyetje mund të të ndihmojnë të identifikosh ndikimin e tyre. Qetësohu dhe bëji vetes këto pyetje:

1. Kur mendoj për fëmijërinë ndjej trishtim dhe pikëllim? (Kurrë/ndonjëherë/shpesh/gjithnjë)

2. A kam vështirësi në marrëdhënie me familjarët? (Kurrë/ndonjëherë/shpesh/gjithnjë)

3. Mendoj se njerëzit do të më braktisin?
(Kurrë/ndonjëherë/shpesh/gjithnjë)

4. A kam probleme me lidhjet miqësore apo romantike dhe mendoj se nuk do jem në gjendje të krijoj një raport të shëndetshëm?
(Kurrë/ndonjëherë/shpesh/gjithnjë)

5. A mendoj se nuk jam i/e mjaftueshëm/me në dashuri? (Kurrë/ndonjëherë/shpesh/gjithnjë)6.

6. A ka periudha të gjata kohore që s’i mbaj mend nga fëmijëria? (Kurrë/ndonjëherë/shpesh/gjithnjë)

7. E kam të vështirë të qëndroj me familjarët edhe për një kohë të shkurtër, pasi mund të ndihem sikur më kontrollojnë ose nuk më kuptojnë? (Kurrë/ndonjëherë/shpesh/gjithnjë)

Lexo edhe :  A doni ta shikoni ëndrrën tuaj si një film? Inteligjenca Artificiale po e bën të mundur

8. Ndihem ndryshe, apo i shkëputur nga marrëdhëniet me të tjerët (Kurrë/ndonjëherë/shpesh/gjithnjë)

9. Kam histori me përdorimin e substancave narkotike, alkoolin, apo edhe ushqimin e pashëndetshëm? (Kurrë/ndonjëherë/shpesh/gjithnjë)

10. E kam të vështirë t’u besoj njerëzve, pasi mendoj se do më zhgënjejnë në fund? (Kurrë/ndonjëherë/shpesh/gjithnjë)

11. A kam tendencën që të reagoj më shumë seç duhet (Kurrë/ndonjëherë/shpesh/gjithnjë)

12. A kam qenë ndonjëherë i/e dhunuar seksualisht, emocionalisht, fizikisht, apo verbalisht nga dikush që supozohej të kujdesej për mua?

Përdori këto pyetje si një guidë për ta njohur më mirë veten. Nëse përgjigjet të lëndojnë, apo targetojnë një ndjesi ankthi tek ti, me shumë gjasa, është një histori e ndjeshme dhe një “zonë e prekur nga traumat”. Është e rëndësishme të kuptosh se trauma do të manifestohet edhe në ngjarje që s’kanë lidhje të drejtpërdrejtë me të, por sidomos në ato që të ngjallin kujtime dhe mendime të braktisjes, dhunës dhe shumë përjetime të tjera.

Në përgjigjen e pyetjeve nuk ka një mënyrë “të saktë” se si mund të ndihesh. Është okay të përjetosh ankth, të qash, ose të mos ndikohesh fare. Gjithsesi, përgjigju me sinqeritet./E.Ç

Të fundit

Turqia po përvëlohet! Zjarret përhapen në shumë qytete, anulohen fluturimet

Zjarret shkatërruese që kanë përfshirë rajone të ndryshme në Turqi, kanë shndërruar mijëra hektarë tokë në hi, duke vënë...

Aksident i rëndë në Durrës! “Audi” përplas motomjetin, lëndohet drejtuesi

Një aksident automobilistik ka ndodhur mbrëmjen e sotme në qytetin e Durrësit. Një i ri që lëvizte me një motor mbeti i plagosur rëndë pas...

Dash Sula: Në 20 vite politikë kam vetëm një budallallëk, futbollin

Deputeti i Partisë Demokratike, Dashnor Sula, i ftuar në "Off the Record" me Andrea Dangllin, veç të tjerave foli edhe për periudhën kur ai...

Majlinda Bregu: Basha na përzuri me një të rënë të lapsit

Majlinda Bregu, ish-ministre e Integrimit Evropian, ish-deputete e Partisë Demokratike dhe politikane, së fundmi e emëruar Komisionere në Komisionin Pan-Europian për Klimën dhe Shëndetin...

Mero Baze: Një gjyq kundër plaçkitjes në emër të pushtetit

Të hënën nis procesi i parë gjyqësor ndaj Sali Berishës, nën një akuzë që në thelb është kapje e shtetit. Akuza ngre dyshime se...

Lajme të tjera

Web TV