Si ambasador i vullnetit të mirë për Programin Botëror të Ushqimit të Kombeve të Bashkuara (WFP), artisti The Weeknd po vë në dispozicion 2.5 milionë dollarë nga Fondi Humanitar XO për të përmbushur nevojat ushqimore të paralajmëruara nga WFP në Gaza.
Dhurimi, i barabartë me katër milionë vakte urgjente, do të financojë sigurimin e 820 tonë metrikë pakosh ushqimore, të cilat mund të plotësojnë nevojat e ushqimit të më shumë se 173,000 palestinezëve për dy javë, sipas Programit Botëror të Ushqimit të OKB-së.
Që nga 7 tetori, WFP ka ofruar ndihmë ushqimore për më shumë se 764,000 palestinezë në bashkëpunim me partnerët rajonalë dhe agjencitë e tjera të OKB-së. Falë përpjekjeve të WFP-së, kamionët kanë transportuar bukë të freskët, bare hurmash, mallra të konservuara, miell, makarona, salca domate dhe vaj në zona të vështira për t’u arritur që më parë ishin të paarritshme.
I emëruar një Ambasador i Vullnetit të Mirë në tetor 2021, Abel “The Weeknd” Tesfaye ka mbështetur në mënyrë aktive misionin global të WFP-së për trajtimin e urisë dhe pasigurisë ushqimore përmes donacioneve personale prej 1.8 milionë dollarësh dhe përmes Fondit Humanitar XO të cilin ai e themeloi në bashkëpunim me Programin Botëror të Ushqimit të OKB-së. Fondi, i cili ka mbledhur 5 milionë dollarë deri më sot, ka ndarë 2.5 milionë dollarë për të mbështetur ndihmën urgjente ushqimore për gratë dhe fëmijët në Etiopi dhe tani do të sigurojë 2.5 milionë dollarë për Gazën.
Në vitin 2024, Tesfaye u zotua të dhuronte një dollar nga çmimi i çdo bilete koncerti të turneut të tij After Hours ’til Dawn për Fondin Humanitar XO./E.Ç
