Cili ësht qëllimi i fshehjes së sendeve me vlerë? Që të mos gjenden nga hajdutët! Por, kur e mendon, s’është aq e thjeshtë të gjesh një vend sekret.
Nëse një hajdut hyn në shtëpinë tuaj për t’ju vjedhur, dijeni se synon të qëndrojë sa më pak kohë të jetë e mundur. Prandaj, do të kërkojë për gjëra me vlerë në këto vende: nën dyshek, në këllëf a nën jastëk, në kavanoza, në sirtarin e të brendshmeve dhe nën krevat.
Një panel prej ish-hajdutësh shtëpish, organizuar nga rrjeti i dyqaneve John Lewis, këshillojnë që sendet me vlerë t’i fshihni në kuti drithërash a te lodrat e fëmijëve. Një nga ish-hajdutët tha se kutitë e makaronave, orizit e drithërave janë vendet ideale për të fshehur bizhuteri sepse kushdo që synon t’ju vjedhë, nuk ka kohë të kontrollojë kuzhinën me imtësi.
Sendet me vlerë mund t’i fshihni aty ku mbani DVD apo disqe të vjetra sepse gjendet më vështirësi.
Në një dhomë që s’përdoret shumë, mund të instaloni një prizë jo funksionale. Në hapësirën brenda saj mund të fusni ç‘të nxërë dhe askujt s’do t’i shkojë mendja të kontrollojë.
Mund të përdorni një elektrik dore që kërkon bateri të mëdha. Në vend të baterive, fusni para, çelësa, bizhuteri etj. Elektrikun, vendoseni në të njëjtin sirtar ku mbani sendet që s’dini ku t’i çoni.
Mesa duket, ekziston një rregull i pashkruar mes hajdutësh që i ndalon të hyjnë e të kontrollojnë te dhomat e fëmijëve. Prandaj, mund të fshihni ç’keni për të fshehur te sirtarët e fëmijëve.
Burimi: Guardian/E.Ç
