Austria është e gatshme të lehtësojë masat e saj kufizuese anti-koronavirus, duke filluar nga 14 prilli. Vendimi u komunikua nga kancelari Sebastian Kurz.
Ai saktësoi se vendimi “do të varet nga mënyra se si qytetarët vazhdojnë të ndjekin rregullat e distancimit shoqëror”.
Së pari do të rihapen dyqanet e vogla deri në 400 metra katrorë, ndërsa në mesin e majit do të rihapen restorantet, hotelet dhe shkollat.
Megjithatë, kufizimet e udhëtimit mbeten në fuqi, tha Kurz, duke këshilluar austriakët të mos i festojnë Pashkët me njerëz jashtë shtëpive të tyre. Sa i takon ngjarjeve publike, do të ndalohen deri në fund të qershorit.
Risjellim në vëmendje se në Austri ka 12.058 raste të konfirmuara me koronavirus, 204 vdekje dhe 2.998 të shtruar në spital.
Fjala.al
