Ndarja e çiftit të njohur të showbiz-it të huaj, Miley Cyrus dhe Liam Hemsworth, 8 muaj pas kurorëzimit të martesës befasoi të gjithë ndjekësit e dyshes. Lidhja e Miley dhe Liam kishte filluar që nga viti 2010 për t’u fejuar fillimisht më 2012, ndërsa u ndanë më 2013 dhe sërish u lidhën në 2016.
Pas të gjithë “fortunës” që shkaktoi divorci i çiftit të famshëm, më në fund një burim për “HollywoodLife” ka treguar arsyen pse Liam vendosi t’i jepte fund martesës me Miley-n.
“Liam e do ende Miley-n dhe ndarja ka qenë shumë e vështirë për të. Por Miley nuk është ajo që atij i nevojitet dhe ajo nuk mund të ndryshojë, prandaj ai kuptoi se nuk mund të rrinte më me të. Atij nuk po i besohet çfarë po sheh në internet për 26 vjeçaren që pas ndarjes. Liam i duket sikur vajza që njohu në fillim dhe gruaja me të cilën u divorcua ishin dy persona të ndryshëm. Nuk ka më shanse për bashkim,” thotë burimi.
Dokumentet ligjore u paraqitën të hënën dhe të dyja palët kanë rënë dakord për kushtet. Këngëtari dhe aktorja kishin nënshkruar një marrëveshje paramartesore ndaj çështja e ndarjes së pasurisë nuk ishte problem.
Ndërsa u ra dakord që Miley do të mbajë kafshët. Sapo të paraqesin dokumentet, do të duhet gjashtë muaj që divorci të bëhet i formës së prerë.
