Kryeministri britanik, Boris Johnson, i cili u diagnostifikua pozitiv me COVID-19, tashmë është drejt rrugës së shërimit.
Lajmin e ka bërë të ditur zëdhënësja e tij, e cila ka thënë për “Dailymail” se ai ka bërë përparim shumë të mirë nga ana shëndetësore në luftën ndaj koronavirusit.
Johnson u zhvendos nga kujdesi intensiv të enjten dhe një ditë më pas ai kishte filluar të ecë, megjithëse shërimi i tij ishte në një fazë të hershme.
Kujtojmë se 55-vjeçari u transferua në kujdesin intensiv në St Thomas ‘në Londrën qendrore të hënën pasi gjendja e tij u përkeqësua. Ndërkohë mjekët nuk thanë se sa kohë pritet të mbetet në spital./fjala.al
