Kur shumë vende të botës janë goditur nga koronavirus, qeveritë e këtyre vendeve po përpiqen se si të mbrojnë njerëzit e tyre edhe pas kapërcimit të rrezikut të madh që paraqet koronavirusi.
Për këtë arsye, bota po mendon se si mund të përballohet koronavirusi për një periudhë afatgjatë.
Një nga mënyrat është që njerëzit të fitojnë imunitet ndaj Covid-19, duke prodhuar antitrupa e cila mund të vijë përmes vaksinimit ose pasi të infektohen dhe të shërohen sërish.
Nëse njerëzit krijojnë imunitet atëherë kjo do të prodhojë atë që quhet “imuniteti i tufës”.
Kjo mbron edhe njerëzit që nuk janë imunë, sepse shumë të tjerë janë imunë që parandalojnë përhapjen e virusit brenda një bashkësie apo komuniteti të caktuar, shkruan Bussines Insider.
Në këtë mënyrë “imuniteti i tufës” do t’i jepte fund pandemisë së koronavirusit.
Por, sipas mjekëve, ajo ditë do të vijë vetëm me shpërndarjen masive të një vaksine, proces që pritet të zgjasë të paktën 18 muaj.
Por disa ekspertë janë kundër kësaj mënyre.
“Ju nuk fitoni një ‘imunitet tufe’ derisa të keni një përqindje të madhe të popullatës suaj që ka pasur sëmundjen”, ka thënë Melinda Gates, bashkëpunëtore e fondacionit Bill & Melinda Gates, për Business Insider. Ndërsa shtoi se “Ne jemi ende larg nga imuniteti i tufës”.
Ekspertët gjithashtu nuk e dinë se sa zgjat imuniteti, pasi virusi është akoma kaq i ri. Gjithsesi, ekspertë të tjerë kanë shprehur më shumë besim në antitrupat ndaj Covid-19.
