Për të gjithë shqiptarët në Romë që kërkojnë të riatdhesohen, do të nisin aplikimet dhe rezervimet në faqen “Air Albania”. Aplikimet nisin ditën e sotme në orën 10:00.
Fillimisht çdo emigrant që dëshiron të kthehet në atdhe duhet të rezervojë për 14 ditë hotelin në Shqipëri dhe pagesën do ta kryejë vetë.
Pasi është bërë rezervimi i hotelit, qytetari do të marrë një kod personal dhe përmes këtij kodi do të hyjë sërish në faqen e “Air Albania” ku do të bëjë dhe aplikimin dhe për biletën e ardhjes. Personat që do të aplikojnë sot, do të vijnë të shtunën në atdhe.
Personat që janë rezidentë në shtetet e tjera, nuk do të futen në atdhe derisa të përfundojë pandemia.
