Emmanuel Macron, Presidenti i Francës ka hedhur dyshime mbi mënyrën e trajtimit të koronavirusit në Kinë. Në një intervistë për ‘Financial Times’, Macron u shpreh se është “naive” të mendosh që Kina e ka trajtuar më mirë krizën e COVID-19.
Me këtë, Macron i përgjigjet mesazhin të ambasadës kineze në Francë, e cila shprehej se vendet perëndimore kishin lënë të moshuarit të vdisnin nëpër shtëpi. Pas kësaj deklarate, Ministria e Jashtme Franceze kishte thirrur ambasadorin e Kinës për të shprehur mos dakordësi.
Këtë gjë e hodhi poshtë zëdhënësi i qeverisë kineze, Zhao Lijian, i cili tha se Kina nuk ka bërë kurrë ndonjë koment negative në lidhje me mënyrën se si Franca po e Lufton pandeminë dhe nuk ka ndërmend ta bëjë një gjë të tillë”.
Vetëm ditën e sotme, Kina ka raportuar 1290 viktima të reja dhe shumë vende besojnë se Kina nuk ka qenë transparente për numrin e viktimave dhe të prekurve në këtë vend.
