Autoritetet holandeze kanë sekuestruar në portin e Roterdamit një sasi prej 1459 kilogramë kokainë.
Sipas policisë holandeze të dyshuarit janë 5 persona, ku njëri prej tyre është një 43-vjeçar nga Lushnja dhe dy të tjerë nga Kosova (33 dhe 35 vjeç).
Gjithashtu pjesë e të arrestuarve është edhe një shtetas turk dhe një francez. Kontejnerët me drogë mësohet se vinin nga Brazili. Katër personat, pjesë e grupit janë arrestuar ditën e mërkurë, ndërsa dje në mbrëmje është arrestuar edhe i dyshuari i pestë.
Lajmin e kanë bërë të ditur autoritetet holandeze teksa bëhet me dije se të dyshuarit mund të kenë kontakte vetëm me avokatët e tyre.
