Një vajzë 1-vjeçare nga Coningsby,Lincolnshire e ka kaluar kohën më të madhe në spital që kur ka lindur, ku i është nënshtruar operacioneve dhe trajtimeve të ndryshme.
Leah Peter pavarësisht sëmundjeve që kishte, u infektua dhe me Covid-19.
Ajo u dërgua në spital në fund të marsit pasi kishte kollë.
Vajza lindi para kohe vetëm 32 javëshe ndaj ajo kishte probleme shëndetësore që përfshinin sëmundje kronike të mushkërive që kur lindi.
Por vogëlushja i befasoi të gjithë dhe arriti ta mposhtë virusin.
“Për shkak të problemeve të saj me zemrën, një infermiere vjen dhe na viziton çdo javë. Ajo i bëri matjet e rrahjes së zemrës dhe dolën pak të ulëta. Gjithashtu kishte kollë ndaj morëm ambulancën dhe e dërguam në spital. Leah u vendos në ventilator,”– tha nëna e saj.
Ndërsa shtoi: “Por ajo na befasoi të gjithëve. Ne kishim frikë, por vajza jonë është luftëtare. E dërguam në shtëpi një ditë pasi morëm rezultatet e testit dhe deri tani është shumë mirë.”
