Presidenti i Republikës së Kosovës, Hashim Thaçi, ka shkuar edhe ditën e sotme në spital ku po trajtohet për veshkat. Ky lajm u bë i ditur përmes një komunikate për mediat nga presidenca.
Presidenca thekson se Thaçi edhe sot ka vazhduar trajtimin nga personeli i Klinikës Urologjike të Qendrës Klinike Universitare të Kosovës.
“Presidenti Thaçi po vazhdon t’i përmbahet terapisë së rekomanduar dhe është në gjendje stabile shëndetësore. Presidenti Thaçi shpreh sërish mirënjohjen e tij për stafin e QKUK-së dhe Klinikës Urologjike për trajtimin profesional dhe kujdesin e treguar”, shkruhet në njoftim./Fjala.al/
