Presidenti i Republikës së Kosovës, Hashim Thaçi, i ka dërgura letër për të pestën herë radhazi kryeministrit në detyrë, Albin Kurtit.
Në letër Thaçi shprehet se ka konstatuar se me veprimet e tij, Kurti nuk e ka shfrytëzuar të drejtën e tij të propozimit të kandidatit të ri për ta formuar Qeverinë e re.
Më tej ai bën me dije Kurtin se tashmë do të bëjë një konsultim të përbashkët me liderët e partive politike parlamentare për hapat e mëtejshëm që do të ndërmerren, në pajtueshmëri me Kushtetutën e Kosovës.
“Më duhet t’ju rikujtoj që në pajtim me mandatin kushtetues të Presidentit të Republikës së Kosovës është përgjegjësi e imja që ta ruaj stabilitetin e vendit dhe të garantoj funksionimin demokratik të institucioneve të vendit”,-shprehet Thaçi në letrën e tij./Fjala.al/
