Kreu i Grupit Parlamentar i Partisë Socialiste, Taulant Balla, i është përgjigjur të gjitha akuzave të opozitës ndaj qeverisë gjatë seancës plenare ditën e sotme.
Deputeti socialist theksoi se Kuvendi është shembulli më i keq i zbatimit të masave ndaj Covid-19 dhe kërkoi që të mbyllet.
Më tej, Balla theksoi se Shqipëria duhet të ndjekë shembullin e Gjermanisë për vendosjen me detyrim të maskave në vende publike.
“Kuvendi i Shqipërisë është shembulli më i keq i masave ndaj koronavirusit, ndaj nëse vazhdon kështu unë them ta mbyllim.
Unë i them qeverisë shqiptare se ashtu si në Gjermani, vendosja e maskave në publik të bëhet domosdoshmëri.”-u shpreh ai.
Duke iu përgjigjur deputetit të Lëvizjes Socialiste për Integrim, Ralf Gjonit, Balla i theksoi se duhet të pyesin deputetin Adriatik Alimadhi se si është të luftosh me koronavirusin e pastaj të flasin në Kuvend.
“Sot janë 29 raste të reja, zoti Gjoni ju thatë që nuk është ndonjë gjë e madhe se kemi 27 jetë të humbura, për mua dhe 1 jetë e humbur është fatkeqësi. Do ju nxisja të gjithëve t’i bëni një telefonat kolegut Adriatik Alimadh, pyeteni si është të jesh me Covid-19 dhe hajdeni na bëni dëngla këtu .”-u shpreh Taulant Balla./Fjala.al/
