Harry dhe Meghan kanë qenë të zënë përgjatë gjithë periudhës së pandemisë, me punë bamirësie.
Çifti mbretëror janë aktivizuar dhe kanë ndihmuar edhe në shpërndarjen e ndihmave dhe vakteve ushqimore për individë të ndryshëm, në bashkëpunim me “Project Angel Food”, një projekt bamirësie që i siguron ushqim njerëzve në nevojë dhe atyre që vuajnë nga sëmundje të rënda.
Aktorja 38 vjeçare dhe bashkëshorti i saj, princi Harry, 35 vjeç, kanë shpërndarë ushqime duke nisur nga e diela e pashkëve dhe në vijim.
“Meghan dhe Harry ndiejnë se vërtet po ndihmojnë dhe kontribuojnë në përballimin e kësaj situate” tha një burim pranë çiftit për revistën “People”.
Një tjetër i afërm i tyre tha: “Ata dalin nga shtëpia vetëm për projektet e bamirësisë”. Drejtuesi i “Project Food Angel”, Richard Ayoub tha se e vlerëson kontributin e tyre.
“Ata interesohen shumë, bëjnë pyetje për klientët dhe gjendjen e tyre, pyesin se si janë gatuar ushqimet apo se sa ushqim nevojitet për t’u shpërndarë” , u shpreh ai.
Tashmë çifti mbretëror është zhvendosur në Los Angelos, ku po kalon këtë periudhë karantinimi, pasi atje kanë vendosur të rrisin djalin e tyrë 11 muajsh, Archie. Ndërsa Meghan, në përfundim të pandemisë Covid-19, pritët ti rikthehet ekranit të kinemasë, këtë herë si një dukeshë, ndoshta me role më të rëndësishme.
