Një ngjarje e rëndë ka ndodhur ditën e sotme në qytetin e Elbasanit, ku një biznesmen është gjetur i pajetë në banesën e tij.
Biznesmeni, emri i të cilit është Tan Sanço, mësohet se është gjetur i vetëvarur në banesën e tij. Ai është pronari i një exchange në qytetin e Elbasanit. Kjo ngjarje raportohet të ketë ndodhur në një nga lagjet në afërsi të qytetit të Elbasanit, ndërsa rrethanat e ndodhisë nuk janë ende të qarta.
Sanço u gjet i pajetë nga familjarët dhe dyshohet se ishte vetëmbytur me kabullin e antenës së televizorit, të cilin e kishte lidhur me lak në mënyrë të trefishtë në tavanin e banjos./Fjala.al/
