Mjeku shqiptar Pëllumb Pipero ka folur në lidhje me shfaqjen e një sëmundjeje të re tek fëmijët. Bëhet fjalë për sindromën Kavasaki.
Në një lidhje me ‘Skype’ për emisionin ‘Opinion’, Pipero tregoi se sindroma Kavasaki dhe koronavirusi kanë të përbashkët vaskulitetin dhe Kavasaki, mesa duket, në prani të Covid-19 shfaqet më shpejt. Mjeku Pëllumb Pipero tha se virusi Kavasaki mund të qëndrojë i fshehur në trup, dhe se në prani të Covid-19, fillon të shfaqet.
“Të dyja sëmundjet në bazë kanë vaskulit. Presupozohet që është një sëmundje autoimune e ekzagjeruar. Të dyja sëmundjet duket që kanë të përbashkët vaskulitetin. Me sa duket një Kavasaki i fshehur, ose i padalë në sipërfaqe në prani të COvid -19, shfaqet më shpejt. Mund të bëjë paralelizëm për disa raste në diabet të fshehtë, që pasi ranë në kontakt me COVID u shfaq dhe dibeti,”- tha Pipero.
Britania dhe Spanja kanë ngritur alarmin për shtimin e rasteve të kësaj syndrome te fëmijët. Kavasaki është një sëmundje e zakonte për Azinë, por tepër e rrallë për Evropën që duket se po ndikohet nga Covid-19 dhe po përhapet çdo ditë e më shumë.
