Ndërsa vendi ndodhet prej javësh të tëra në izolim dhe lehtësimi i masave po bëhet me rregulla strikte të distancës e higjienës, duket se e njëjta gjë nuk është duke ndodhur në avionët e Air Albania që sjellin shqiptarët e riatdhesuar në shtëpi.
Një ngjarje që nuk ishte parë ndonjëherë të ndodhë shfaqet në bordin e avionit, ku distanca duhet të ishte primare.
Njerëz duke qëndruar në këmbë, disa duke u mbajtur lart dhe shumë pranë njeri-tjetrit, pothuajse ngjitur, jo vetëm në ulëse, por edhe në korridorin mes tyre. Kjo është pamja e njerëzve në avionin e Air Albania dy ditë më parë në fluturimin nga Frankfurti në aeroportin e Rinasit.
Në këtë foto duket se të gjithë udhëtarët mbajnë maskë, por ama janë shumë pranë njeri-tjetrit, ndonëse distanca fizike është një nga masat e trumbetuara më së shumti si nga OBSH, ashtu dhe nga autoritetet e çdo vendi edhe pas daljes nga karantina. Qytetarët riatdhesuar pas kthimit do duhet të qëndrojnë për 14 ditë në karantinë./Fjala.al/
