Fico fton Zelenskyn për bisedime për transitin e gazit

113 563 lexime

124,178FansaPëlqeje

Kryeministri i Sllovakisë, Robert Fico, e ka ftuar presidentin ukrainas, Volodymyr Zelensky, për bisedime për transitin e gazit, në mes të mosmarrëveshjeve lidhur me vendimin e Kievit për të ndalur dërgesat me gazin rus.

Ukraina ndërpreu dërgesat e gazit për në Evropë në fillim të vitit, pas përfundimit të një marrëveshjeje për transit mes Kievit dhe Moskës. Me këtë vendim, Kievi po synon të ndalë të ardhurat nga energjia që Moska i përdor për të financuar pushtimin e Ukrainës, që ka nisur gati tre vjet më parë.

Fico tha se vendimi ka ndikuar te Sllovakia, që gjendet në kufi me Ukrainën, përmes çmimeve më të larta të gazit dhe humbjes së tarifave për dërgimin e gazit më tej në Evropë. Ai tha se synon që të rinisin dërgesat.

Fico tha në një letër të hapur drejtuar Zelenskyt, e cila u publikua nga zyra e tij, se një takim që do të mund të mbahej në Sllovaki pranë kufirit me Ukrainën dhe në të do të mund të diskutohej për zgjidhjet teknike për këtë çështje.

“Një takim i tillë do të krijonte bazë të mirë për një diskutim të hapur lidhur me furnizimet me gaz për Sllovakinë dhe shtetet e tjera përmes territorit ukrainas”, tha Fico.

Fico në të kaluarën ka thënë se është afër arritja e një marrëveshjeje që do të mundësonte vazhdimin e dërgesave të gazit përmes Ukrainës, duke ndryshuar paraprakisht pronësinë e gazit.

Por, ai ka deklaruar se Zelensky kishte refuzuar zgjatjen e afatit për dërgesat e gazit përmes Ukrainës gjatë një samiti të Bashkimit Evropian të mbajtur dhjetorin e vitit të kaluar.

Fico ka argumentuar se Evropa ka humbur miliarda euro nga rritja e çmimeve të gazit, që u shkaktuan nga mungesa e rreth 13.5 miliardë metra kub gaz që kaloi përmes Ukrainës vitin e kaluar, përfshirë 3 miliardë metra kub për konsum në Sllovaki./K.K

Të fundit

Zyrtare: FSHF zgjedh njeriun e ri që do zbulojë talentet shqiptare të futbollit

Tefik Osmani është emëruar Drejtor i ri i Departamentit të Skautizmit në Federatës Shqiptare të Futbollit. Osmani gëzon një karrierë...

Aksident në Kavajë, humb jetën 83-vjeçari

Rreth orës 14:00, në aksin Rrogozhinë-Kavajë, shtetasi R. M, ka përplasur me automjetin që drejtonte, këmbësorin, shtetasin M. H., 83 vjeç, i cili si...

Vlorë, emigrantët ankohen për çmime njësoj si në Amerikë

Vlora këtë sezon ka pritur jo vetëm turistë vendas e të huaj, por edhe qindra emigrantë që rikthehen për pushime. Për ta, qyteti mbetet...

Fier, makina përplaset me motoçikletën, plagoset një person

Një aksident rrugor është regjistruar këtë të premte në unazën lindore të qytetit të Fierit. Sipas informacioneve paraprake, një automjet tip “Volswagen” është përplasur me...

80-vjeçarja mposht mafien e pronave në Drimadhes

Helidon Gjikoka, një biznesmen kontravers në jug të vendit, duhet të paguajë 113 milionë lekë për "beach bar-in" pa leje që kishte ndërtuar në...

Lajme të tjera

Web TV