Presidentja e Komisionit Europian Ursula Von der Leyen ka dhënë sugjerimet dhe rekomandimet pas samitit të Zagrebit.
Sipas saj, solidariteti dhe bashkëpunimi do e shërojë më shpejt shoqërinë nga koronavirusi.
Në një postim në “Twitter” Von der Leyen shkruan se ky samit tregoi se jemi më të fortë së bashku. Sipas saj Ballkani Perëndimor i përket BE-së dhe i bën thirrje qeverive të zbatojnë reformat dhe të garantojnë lirinë e mediave.
There is no question, the #WesternBalkans belong in the EU. I call on their governments to continue delivering on reforms, particularly on the rule of law, the fight against corruption & guaranteeing media freedom.
— Ursula von der Leyen #UnitedAgainstCoronavirus (@vonderleyen) May 6, 2020
“Samiti i sotëm i Zagrebit BE-Ballkani Perëndimor ka treguar se ne jemi gjithmonë më të fortë së bashku. Ne do të ngrihemi më shpejt dhe ekonomitë dhe shoqëritë tona do të shërohen më shpejt nga koronavirusi me solidaritet dhe bashkëpunim.
Nuk ka dyshim, Ballkani Perëndimor i përket BE-së. Unë u bëj thirrje qeverive të tyre që të vazhdojnë të zbatojnë reformat, veçanërisht për sundimin e ligjit, luftën kundër korrupsionit dhe garantimin e lirisë së mediave”, shkruan Von der Leyen.
