15 migrantë kanë humbur jetën tragjikisht, pasi u shtypën nga një tren mallrash në Indi. English news India raporton se ata i kishte zënë gjumin në shinat e trenit në Aurangabad dhe më pas, treni u ka kaluar sipër.
Grupi prej 20 vetash, ishin duke udhëtuar në këmbë nga Jalna për në Bhusaval, një distancë prej 157 kilometrash. Katër nga personat e mbijetuar, janë në gjendje shoku, ndërsa personi i pestë është shtruar në spital me lëndime. Kryeministri i Indisë, Narendra Modi u shpreh shumë i hidhëruar për vdekjen e tyre.
“Shumë i hidhëruar nga humbja e jetëve të 15 personave, për shkak të aksidentit të rëndë hekurudhor në Aurangabad, Maharashtra. Ministri i Hekurudhave Shri Piyush Goyal, do të monitorojë nga afër situatën”, shkruan në Twitter Kryeministri.
Policia vendase ka bërë me dije se migrantët mund të kenë menduar se si pasojë e situatës së koronavirusit, trenat nuk qarkullonin më./Fjala.al/
