Në 100 vjetorin e themelimit të Federatës së Çiklizmit, në ambientet e Kryeministrisë u mbajt një ekspozitë unike, ku për herë të parë u publikuan foto të rralla nga “Marubi” ku në fokus ishin çiklistë që kanë shkruar historinë e këtij sporti. Objekte të veçanta, biçikleta, apo detaje nga aktivitet shekullore të këtij sporti i dhanë dhe më shumë ngjyra kësaj ekspozite te zhvilluar pikërisht në Ditën e Verës, për t’iu dhënë mundësinë shume njerëzve të njihen me historinë e veçantë të kësaj Federate, të Rrethit Çiklistik i cili është i tretë më i vjetër në botë, pas Turit të Francës dhe Giro d’Italia. Presidenti i Federatës Shqiptare të Çiklizmit, Skënder Anxhaku, falënderoi të gjithë çiklistët ndër vite që kanë shkruar historinë e këtij sporti, falënderoi bashkëpunëtoret që bënë të mundur këtë organizim special, dhe kërkoi një bashkëpunim dhe angazhim më të madh pasi në Shqipëri vjen për herë të parë Giro d’Italia:
Presidenti i KOKSH, Fidel Ylli u shpreh i bindur se Giro d’Italia do të jetë një eveniment madhështor që do t’i shërbejë Shqipërisë në çdo aspekt. E pranishme në ekspozitë ishte edhe Ministra e Arsimit dhe Sportit, Ogerta Manastriliu, e cila premtoi se Ministria që ajo drejton do të vijojë të mbështesë këtë Federatë, për më tepër këtë vit ku do të mbahet edhe Giro d’Italia./e.t
