Kryeministri Edi Rama thotë se vota për Sali Berishën, është një votë e çuar dëm.
Në Berat, kreu i qeverisë nënvizoi se më 11 maj, shqiptarët duhet të kapnin trenin e historisë për t’u anëtarësuar në Bashkimin Evropian.
“Do hedhë kot një votë që duhet ta përdorë për të futur Shqipërinë në BE. Punët për negociatat duhet të vazhdojnë. Jo po doli bufi nga këneta, nuk duhet të ketë fare nga këto. Nëse humbasim kohë, luajmë me fatin tonë. Ne nuk e dimë se mund të zhvillohen ngjarjet që do vijnë. Gjërat mund të kthehen siç ishin më përpara. Ky është momenti, tani duhet ta kapim dhe duhet të hyjmë brenda. Çdo socialist, demokrat, i majtë, i djathtë, duhet të jetë i interesuar, në radhë të parë që ne të hyjmë brenda. Unë iu çoj në Bashkimin Evropian. Për këtë kemi bërë punë të madhe, diplomaci të madhe. Është histori për libra, nuk është histori për ta treguar sot. Trenin e historisë që kalon më 11 maj, shqiptarët ta marrin dhe të shkojnë përpara”, theksoi ai./ S,M
