Pas fitores 2-0 përballë Bahreinit, Japonia bëhet kombëtarja e parë që është kualifikuar në fushë për Botërorin e vitit të ardhshëm dhe e katërta në total.
Pas fitores 2-0 përballë Bahreinit, Japonia bëhet kombëtarja e parë që është kualifikuar në fushë për Botërorin e vitit të ardhshëm dhe e katërta në total duke marrë parasysh edhe prezencën e shteteve pritëse, që në vitin 2026 do të jenë Shtetet e Bashkuara, Meksika dhe Kanadaja.
Golat e Daichi Kamada dhe Takefusa Kubo i dhanë japonezëve një fitore 2-0 ndaj Bahreinit të enjten, me aziatikët që janë të pamposhtur dhe kështu marrin biletën e parë nga fusha për në Botëror. Kjo do të jetë paraqitja e tyre e tetë radhazi në Kupën e Botës.
Japonia ka qenë në formë të pandalshme në raundin kualifikues dhe ka fituar pesë ndeshje dhe ka barazuar një. Trajneri Hajime Moriyasu i ka varur shpresat te lojtarët e Premier League, Wataru Endo i Liverpool dhe Kaoru Mitoma i Brighton./k.k
