Princi Harry dhe Meghan Markle kanë treguar se marrëdhënien me paparacët dhe tabloidet nuk i kanë aspak të mira. Dhe fotot e fundit e tregojnë dëshirën e tyre për privatësi, më së miri.
Fotot e siguruara nga e përditshmja “The sun” tregojnë se në vilën e sapo blerë nga çifti, kanë nisur punimet. Disa punonjës kanë nisur të rrethojnë vilën luksoze në Los Angelos, me vlerë 18 milionë dollarë, për të ruajtur privatësinë dhe për të qëndruar në çdo moment larg syrit të publikut dhe kuriozëve. E gjithë prona po rrethohet, në mënyrë që fotografimi edhe në distancë të bëhet i pamundur.
E shtrirë në një kodër të Beverly Hills, vila ka një sipërfaqe prej 22 hektarësh dhe do të rrethohet në të gjitha anët, për të mos lënë asnjë shteg hapur. Ndërsa çifti ka punësuar edhe një ekip privat që do të merret me sigurimin e pronës dhe jetës së tyre, gjatë kohës që do të jenë në Los Angelos./Fjala.al/
