Futbollistët sot do të bënin gjithçka për të qenë të parët, jo vetëm në fushë por edhe në jetën jashtë saj. Dhe kjo nënkupton më shumë palestër, perfeksionim i trupit të tyre dhe pesha të rënda, për disa muskuj më shumë.
Por ato që sot janë yjet e sportit, nuk kanë patur gjithnjë trupin e një body builder. Në fakt, pjesa më e madhe e futbollistëve e kanë ndryshuar fizikun e tyre ndër vite, madje edhe këto ditë karantine, pasi të gjithë i kanë kushtet e duhura për t’u stërvitur në shtëpi.
Vetëm një vit më parë. Ish futbollisti i Chelsea, Eden Hazard, kur u zhvendos tek Real Madrid për shumën e 130 milionë paundve, ishte 7 kg mbi peshë. Këtë gjë, Hazard e mori si një sfidë personale dhe tashmë fitnessi për të është i përditshëm, është kthyer në mënyrë jetese. Vetë Eden pohon se për të është e komplikuar dhe mundohet që të mos konsumojë shumë ushqim gjatë ditës. Tashmë është në super formë.
Kur ishte më i ri, edhe Cristiano Ronaldo është gjykuar shumë për trupin e imët e të paformuar mirë. Por sot ai ndjek një rutinë të jashtëzakonshme, në vaktet që konsum dhe palestrën thuajse 3 orë në ditë, për të qëndruar gjithnjë në top formë, shumë larg Ronaldos kur ishte vetëm 23 vjeç.
Marcus Rashford ishte i panjohur deri në vitin 2017, atëherë kur ai ishte vetëm 19 vjeç, me një trup ende në zhvillim. Por ai kishte idhull dhe model në futboll dhe jetë, Cristiano Ronaldon dhe ky i fundit e ndihmoi mjaft për ta futur në rutinën e palestrës dhe fitnesit. Të dy janë trajnuar shumë së bashku, si brenda ashtu edhe jashtë fushave të blerta. Sot fiziku i tij muskuloz flet qartë.
E njëjta gjë ka ndodhur me Robert Lewandowskin, sensacioni i gjigantëve bavarezë. Fiziku i tij ka ndryshuar jo vetëm falë stërvitjes së përditshme, por edhe falë ndihmës së gruas nutricioniste. Sot, përmes dietave ushqimore dhe regjimit të rreptë në stërvitje, Lewandowski është shndërruar në një mashkull perfekt.
Adama Traore kishte vetëm kocka kur u shfaq fillimisht në futbollin botëror. Por publiku dhe fansat u mahnitën me kalimin e kohës, me shndërrimin e tij në një hero të filmave hollivudianë. Madje, fare mirë ai do të vinte në siklet edhe aktorët e filmave aksion apo boksierët. Kështu ka ndodhur me dhjetëra futbollistë, mjafton që të shihni fotot dhe ndryshimin e tyre ndër vite. Mjafton pak vullnet dhe kujdes, gjithçka është e mundur, edhe për futbollistët që parësore kanë topin./Fjala.al/
