Policia ka arrestuar ditën e sotme shoferin e mikrobusit që shkaktoi aksidentin me pasojë vdekjen e një personi dhe plagosjen e gjashtë të tjerëve. Bëhet me dije se në pranga ka rënë 24-vjeçari me inicialet A.B, i cili humbi kontrollin e mjetit.
Ngjarja ndodhi ditën e djeshme në aksin rrugor Gramsh-Poroçan ku shoferi i mikrobusit humbi kontrollin e mjetit pasi ishte nën efektin e alkoolit dhe si pasojë mjeti doli nga rrugë.
Njoftimi i policisë:
“Specialistët e Qarkullimit Rrugor në Drejtorinë Vendore të Policisë Elbasan arrestuan në flagrancë shtetasit: A.B., 24 vjeç, banues në fshatin Poroçan, Gramsh. Pasditen e djeshme, në aksin rrugor Gramsh-Poroçan, shtetasi A. B., duke drejtuar mjetin tip furgon nën ndikimin e alkoolit, humbi kontrollin dhe mjeti doli nga rruga. Si pasojë humbi jetën shtetasi A. Ll. dhe u plagosën shtetasit Sh. P., N. K., B. Q., E. Q., R. B., dhe B. Ç., pasagjerë në mjet, të cilët janë jashtë rrezikut për jetën.
Në vijim të hetimit u procedua penalisht në gjendje të lirë shtetasi B. Q. (pasagjer), për veprën penale “Veprime që pengojnë zbulimin e së vërtetës” Sipas policisë shkak për aksidentin është bërë një defekt teknik i mikrobusit“
