Adriatik Lapaj i koalicionit “Nisma Shqipëria Bëhet”, ka zhvilluar një takim elektoral në Drenovicë të Beratit.
Lapaj nuk ka folur drejtpërdrejt për arrestimin e kandidatit për deputet Ergys Isufi, por thasë prej disa muajsh, kundërshtarët e tij e kanë sulmuar, pasi ai nuk pranoi të “blihej”nga ata. Ai tha se nëse një ditë vjen në pushtet, do të bëjë për fshatin atë që as imagjinohet.
“Ka muaj që kur shteti, pasi nuk më joshi dot, pasi e pa që unë nuk pranoj pazar, filloi baltën, dhunën, kërcënimet, inskenimet, për të ndalur nevojën për ndryshim të popullit tonë. Unë Adriatik Lapaj jam i pashantazhueshëm. Sikur të gjithë t’i kërcënonin, shtypni, kërcënoni, unë nuk bëj pas, përveçse po më morët jetën. Nuk jam Adriaku i vetes time, jam biri i popullit që kërkon të bëjë ndryshimin. Dhe këtu nga Drenovica zotohem se do ta shpartallojmë sistemin e bandave dhe do t’i sjellim paratë pranë vatrave tuaja. Nëse një ditë, falë bekimit tuaj, vijmë në pushtet, do të bëjmë për fshatin atë që as imagjinohet.”– tha ai.
Kujtojmë se Isufi është arrestuar në aksin rrugor “Borsh-Sarandë”, teksa ka qenë në automjet së bashku me një të mitur. Me vete iu gjet një sasi droge kokainë, të cilën dyshohet se e kishte marrë pasi ishte takuar me disa perona. Policia e ka ndaluar gjatë rrugës për në Borsh, ku pritej të zhvillohej një takim elektoral. Më pas, ai do të nisej drejt Tiranës për të marrë pjesë në takimin përmbyllës të fushatës që do të mbahet nga nisma “Nisma Shqipëria Bëhet “. m.p.
