Ish-ministri i Jashtëm, Tritan Shehu, ka akuzuar kryeministrin Edi Rama se e ka kthyer kryesimin e Organizatës për Bashkëpunim dhe Siguri në Evropë, OSBE-në, në një krikaturë.
Këtë reagim Shehu e ka bërë përmes një postimi në “Facebook”, ku shkruan se vetëm një ditë pasi kryesimi i OSBE-së u mor nga Shqipëri është duke u kthyer në komedi.
Sipas ish-Ministrit OSBE kërkon që të nxjerrë nga kriza vendet që janë në situatë të tillë, ndërsa nga ana tjetër Rama e ka zhytur vendin në një “kriza politike institucionale” dhe citon këtu dhe Bundestagun.
“Rama e katandisi kryesimin e OSBE në një karikaturë.
“Shqipëria në krizë” do të kryesojë OSBE, ky është titulli ironik i mediave ndaj marrjes dje të drejtimit të asaj organizate.
Duhej të ishte ky një mundësi promocioni për ne dhe një mesazh për OSBE-në, kur në fakt po kthehet në një komedi.
OSBE është një organizëm që kërkon të nxjerrë nga krizat ata që janë, Rama e ka futur vendin në një “krizë politike e institucionale” sipas Bundestagut.”-shprehet ai.
Më tej,Tritan Shehu thekson se kjo organizatë ka si prioritet zgjedhjet e lira e të ndershme, ndërsa sipas tij kreu i qeverisë ka zhvilluar zgjedhje të blera.
“OSBE ka prioritet zgjedhjet e lira e të ndershme, Rama ka zhvilluar zgjedhje të blera politike dhe një farsë “votimi” më 2019, sipas vetë OSBE.”-shkruan ndër të tjera ish-Ministri.
Postimi i plotë i Tritan Shehut:
Rama e katandisi kryesimin e OSBE në një karikaturë.
“Shqipëria në krizë” do të kryesojë OSBE, ky është titulli ironik i mediave ndaj marrjes dje të drejtimit të asaj organizate.
Duhej të ishte ky një mundësi promocioni për ne dhe një mesazh për OSBE-në, kur në fakt po kthehet në një komedi.
OSBE është një organizëm që kërkon të nxjerrë nga krizat ata që janë, Rama e ka futur vendin në një “krizë politike e institucionale” sipas Bundestagut.
OSBE ka prioritet zgjedhjet e lira e të ndershme, Rama ka zhvilluar zgjedhje të blera politike dhe një farsë “votimi” më 2019, sipas vetë OSBE.
OSBE lufton për një drejtësi eficiente, etja e Ramës për ta kontrolluar atë na ka çuar në një dekapitim të atij sistemi, pa Gjykatë të Lartë e Kushtetuese.
OSBE ka si flamur pluralizmin, Rama sot përdor një Parlament monist e antikushtetues 122-sh, me 42 «pupacë» në atë, një qeverisje lokale sovjetësh, etj.
OSBE ka prioritet liritë e medias, të njeriut, ndërsa Rama miratoi në atë Parlament një ligj të tipit «agjitacion e propagandë», deporton individë pa asnjë transparencë e vendim gjykate….
Dhe kështu mund të vazhdohet deri te nevoja që ka OSBE për të pasur si interlokutore një Ministri të Jashtme serioze e profesionale!
Ndërsa Rama e ka katandisur dhe atë në një ngrehinë, që nuk luan asnjë rol…që as nuk dihet se cilin ka për Ministër.
Në këto kushte ky rast i humbur veçse na vendos në rolin e «bedelit» duke na bërë qesharakë, si dhe komprometon atë institucion prestigjioz./Përgatiti: Fjala.al/
