Regjisori Robert Budina ka reaguar për mediat pas shembjes së Teatrit Kombëtar, ai i ka kujtuar KE-së, Ambasadorit Luigi Soreca, ambasadores amerikane Yuri Kim se iu kanë dhënë fjalën se do ti mbështetnin.
Gjithashtu Budina iu drejtua dhe presidentit Meta të cilit i kërkoi që të shpërndajë parlamentin.
“I bëj thirrje KE-së dhe popullit ta kuptojë se në çfarë gjendje është. Duhet të ngrihemi të gjithë. Zoti Soreca na keni dhënë fjalën se do të veproni, turp! Jam nënshtetas italian dhe si qytetar europian nuk mund ta pranoj këtë.
Dhe ambasadorja amerikane që bëri show me Edin dhe tani u shkatërrua. Unë i akuzoj të gjithë. Ky shtet është kriminal. I bëj thirrje presidentit. Në 2 mars ishim në shesh, është momenti të shpërndajë parlamentin ilegjitim. U gjendëm në befasi kur erdhën. Kush do të vijë në pushtet do të bëjmë të mundur që ky teatër të bëhet sikur gjë. Hynë me armë luftarake. Mafiozët dalin nga burgjet” tha Budina.
