Një ngjarje e tmerrshme ka ndodhur në një familje shqiptare në Yarraville, Western Melbourne të Australisë, ku një burrë ka ekzekutuar vajzën dhe dhëndrin e tij.
25-vjeçarja ka humbur jetën në mënyrë të menjëhershme, pasi u qëllua me armë zjarri nga babai i saj, Osman Shaptafaj, i cili më pas qëlloi dhe veten duke u plagosur rëndë, ndërsa partneri i saj, Veton Musai ka ndërruar jetë një ditë pas së shoqes.
Daily Mail raporton se 55-vjeçari ka qëlluar çiftin me armë në prag të Vitit të Ri, pasi midis tyre ka pasur një mosmarrëveshje.
Vajza e tij, Lindita Musa, ndërroi jetë në vend, ndërsa bashkëshorti i saj 29 vjeç vdiq dje në spital. Çifti i të rinjëve u sulmua nga babai i vajzës në shtëpinë e tyre ditën e martë.
Ndërkohë mësohet se 55-vjeçari është në gjendje të rëndë në spital, pasi pas ekzekutimit të të rinjëve qëlloi veten me të njëjtën armë.
Policia e Victoriasështë duke hetuar mbi një mosmarrëveshje familjare si motivin e sulmit vrasës në vigjiljen e Vitit të Ri.
Në momentin e ngjarjes tragjike raportohet se çifti ka pasur të ftuar në shtëpinë e tyre. Ndër të tjera mësohet se arma u gjet në fund të rrugës ndërsa çifti me në hyrje të banesës. Autoritetet vendase janë duke hetuar shkaqet që e çuan 55-vjeçarin drejt këtij akti makabër.
25-vjeçarja punonte si recepsioniste për Colliers International në CBD, Melbourne, ndërsa burri i saj në një bankë aty pranë./Përgatiti: Fjala.al/
