Ditën e ndërrimit të viteve, 55-vjeçari shqiptar Osman Shaptafaj ekzektoi me armë zjarri vajzën e tij 25 vjeçe, Lindita Musai dhe bashkëshortin e saj 29 vjeç Veton Musai.
Ngjarja makabre tronditi të gjithë opinioni publik në Australi dhe më gjerë. Shkak i kësaj tragjedie mendohet të jetë bërë fakti se 55-vjeçari nuk pranonte largimin e vajzës nga shtëpia.
Mediat vendase raportojnë se Shaptafaj kishte një marrëdhënie të vështirë me familjen e tij, madje shtohet se 25-vjeçarja ishte përpjekur të krijojnte një jetë të re larg babait të saj, por ëndrra u pre në mes pasi u qëllua me breshëri plumbash së bashku me burrin e saj në prag të Vitit të Ri.
Daily Mail Australia shkruan se Lindita Musai kishte frikë nga babai i saj dhe shtohet se një anëtar i familjes, i cili dëshironte të mbetej anonim, tha 25-vjeçarja kishte duruar një edukim ‘të vështirë’.
“Unë thjesht do të them se nuk kishte të bënte me formimin e tij ose me besimin e tij, pasi ai nuk ka besim”,-tha burri.
Sipas po këtij personi pretendohet se vajza e vrasësit të dyshuar ishte larguar me guxim për të filluar një jetë paqësore me burrin e saj, por që përfundoi në tragjedi pasi çifti u sulmua në shtëpinë e tij në Yarraville, Western Melbourne. 55-vjeçari shqiptar ndodhet në gjendje të rëndë, pasi qëlloi edhe veten me armë pas ekzektumit të çiftit./Përgatiti: Fjala.al/
