Në një kohë kur titujt bombastikë shpërndahen me shpejtësi të frikshme dhe lajmet pa burim bëhen ‘të vërteta’ brenda disa orëve, rrjetet sociale u ndezën sërish nga një tjetër spekulim që kishte në qendër një nga çiftet më të dashur të showbiz-it shqiptar: Klea Huta dhe Elgit Doda.
Thashethemet për një krizë në marrëdhënien e tyre nisën të qarkullojnë si flakë në bar të thatë. Portale të ndryshme aluduan për ndarje, për distancë emocionale dhe për një përfundim të papritur të një historie dashurie që publikun e ka mbajtur të ngrohtë ndër vite.
Por e vërteta nuk kishte lidhje me këtë “skenar”.
E kontaktuar nga “Prive”, Klea Huta zgjodhi të flasë qartë dhe prerë:
“Meqenëse po më pyesni, po ju them që nuk ka asgjë të vërtetë në ato lajme. Jemi më të lumtur se kurrë.”
Në vetëm një fjali, Klea mbylli kapitullin e një krize që, mesa duket, kishte lindur vetëm në imagjinatën e disa portaleve./E.Ç
