14 protestues janë shoqëruar në komisariatet nr.1 dhe nr.3 në Tiranë, pas protestës që u organizua këtë pasdite ne rrugën “Myslym Shyri” kundër shembjes së godinës së Teatrit Kombëtar. Fjala.al raporton se asnjë punonjës i medias nuk është shoqëruar, por qytetarë protestues.
Përplasja në krah të Ministrisë së Financave midis policisë dhe protestuesve ishte shumë e dhunshme dhe vazhdoi për disa minuta.
Ndërkohë që aktivistët bëjnë me dije se për nesër është thirrur një protest mbarë-kombëtare, kundër vendimit të bashkisë së Tiranës për të shembur godinën e Teatrit. Protesta do të fillojë në orën 16.30, para Ministrisë së Brendshme.
