Një foshnjë 5-muajshe ka ndërruar jetë në ishullin Paros në Greqi. Prindërit, të dy me origjinë shqiptare, janë arrestuar.
Sipas mediave greke, nëna e fëmijës u paraqit në Qendrën Shëndetësore pasditen e së dielës.
Foshnja ishte pa ndjenja, i mavijosur dhe nuk merrte frymë. Fatkeqësisht ajo u shpall e vdekur në spital.
Nëna 37-vjeçare dhe babai 43-vjeçar u arrestuan dhe u dërguan në Stacionin e Policisë së Parosit.
Një çështje penale është ngritur për këtë rast, ndërsa ekspertiza mjeko-ligjore e trupit të foshnjës pritet të hedhë dritë mbi shkaqet e vdekjes.
Sipas informacioneve nga protothema.gr, familja, e cila ka edhe tre fëmijë të tjerë më të rritur, kishte shkuar në det herët në mëngjes, ishte kthyer në shtëpi në mesditë dhe foshnja kishte vdekur pasdite.
Autoritetet po shqyrtojnë gjithashtu mundësinë e goditjes nga nxehtësia./e.t
