Lamine Jamal mbush 18 vjeç më 13 korrik dhe në dokumentarin “Inside Barça”, foli për dëshirat e tij, për përvjetorin, siç raportohet nga MARCA.
“Në moshën 18 vjeçare kërkoj gjithçka që kisha në moshën 16 dhe 17 vjeç, plus titullin që më mungon (Liga e Kampioneve) dhe Kupën e Botës. Nuk mendoj për shumë vite që më kanë mbetur për të luajtur, dua të fitoj tani. U them shokëve të skuadrës se do të luftojmë dhe se Liga e Kampioneve patjetër do të kthehet në shtëpi”.
E ardhmja duket e ndritur përpara tij dhe ai është i vetëdijshëm për këtë: “Falë moshës sime, do të përmirësohem çdo vit sepse fiziku im do të rritet dhe ndryshimi me kundërshtarët e tjerë do të jetë më i dukshëm. Do të ndihem më rehat në fushë”, fjalët e tij.
Pastaj për Superkupën e fituar kundër Real Madridit këtë vit: “Të humbnim një finale në fillim të vitit kundër rivalit tonë kryesor do të kishte qenë e vështirë, por të dilnim fitues ishte shumë pozitive për ekipin. Të shënosh kundër Real Madridit është gjithmonë diçka e veçantë, diçka për të cilën ëndërron që kur je fëmijë. Ekipi është shumë konkurrues, ne e treguam këtë. Në “El Clasico” ke motivim shtesë dhe ne i lamë Los Blancos pa prekur topin për 25 minuta në gjysmën tonë. Në Camp Nou, do të jetë edhe më e lehtë për njerëzit të vijnë dhe të shijojnë lojën”, pranoi ai./MP
