“Gazzetta Dello Sport” raporton se Inter dhe Napoli janë në konkurrencë të fortë për të rikthyer në Serie A, sulmuesin danez, Rasums Højlund, i cili nuk po kalon një moment të mirë te Manchester United.
Në verën e vitit 2023, “Djajtë e Kuq” paguan 78 milionë euro tek Atalanta për sulmuesin danez, përveç bonuseve. Në sezonin e fundit, Højlund u aktivizua në 52 ndeshje në të gjitha kompeticionet dhe shënoi vetëm 10 gola dhe dha 4 asiste, shumë larg pritshmërive ndaj tij.
Të Manchester United janë të hapur për largimin e tij, nëse vjen oferta e duhur. Inter po kërkon një sulmues të tretë pas dyshes titullare Martinez-Thuram dhe danezi shihet si një alternativë e mirë. Në anën tjetër, Conte kërkon të forcojë sulmin si dhe të gjejë një “partner” të besueshëm për Lukaku-n në sulm.
Kampioni i Serisë A është më i favorizuar për të transferuar danezin pasi sipas raportimit në fjalë është i gatshëm të paguajë shifrën që do të kërkojë Manchester United, ndërsa Inter është më shumë për huazimin me të drejtë blerjeje. m.p.
