Një makinë në qytetin e Elbasanit është përfshirë nga flakët gjatë natës së lënë pas.
Ngjarja është regjistruar në lagjen “5 Maji”, ku si pasojë e flakëve makina është djegur pjesërisht.
Bëhet fjalë për një makinë “Audi” me targa AA 774 TE, në pronësi të shtetasit Marsel Karanxha.
Mësohet se makina është përfshirë në flakë rreth orës 01.00 të së martës, teksa ishte parkuar pranë banesës së të zotit.
Nuk dihen ende rrethanat e ngjarjes, teksa policia po punon për zbardhjen e tyre.
