Harun Çelik deportohet drejt Turqisë, ishte arrestuar me dokumente false

113 563 lexime

124,178FansaPëlqeje

Policia Shqiptare deporton drejt Turqisë 42 vjeçarin turk Harun Çelik, vetëm pak orë pasi ai u lirua nga qelia e burgut.

Mësohet se 5 muaj më parë Çelik u arrestua në Rinas me dokumente false teksa hynte tranzit me pasaportë turke, por me vizë kanadeze false të falsifikuar. Për këtë shkelje, ai u dënuar nga Gjykata e Tiranës me 5 muaj burgim, dënim ky i cili i mbaroi më 1 Janar.

Pas lirimit nga qelia, shtetasi turk iu dorëzua zyrës së Kufirit dhe Migracionit, e ndërsa autoritetet verifikuan se ai nuk plotësonte kushtet dhe nuk kishte dokumentacionin e duhur apo kërkesë për qëndrim në vendin tonë, është caktuar edhe dëbimi i tij drejt vendit të origjinës.

Ndërkohë agjencia shtetërore e lajmeve turke Anadolu ka postuar një video të ndalimit dhe dëbimit nga Tirana të mësuesit turk, Harun Çelik, duke pretenduar se ka qenë një operacion i Organizatës Kombëtare të Inteligjencës, MIT.

Harun Çelik, 42 vjeç, me profesion mësues, dyshohet se është pjesë e lëvizjes Gulen, të udhëhequr nga predikuesi turk Fethullah Gylen, i cili akuzohet nga Presidenti Rexhep Taip Erdogan si ideator dhe organizator i grushtit të dështuar te shtetit në Turqi të vitit 2016.

Turqia e konsideron lëvizjen Gulen si organizatë terroriste dhe i referohet me emrin Feto. Dhjetëra mijëra persona të dyshuar si pjesë të kësaj organizate janë arrestuar në Turqi pas grushtit të shtetit dhe një numër i ngjashëm janë larguar nga vendi – një pjesë e strehuar ne vendet e Ballkanit.

Të fundit

Trump shtyn nisjen drejt samitit të NATO-s, mbledh sot Këshillin për Sigurinë Kombëtare

Presidenti amerikan Donald Trump ka shtyrë për të martën nisjen e tij drejt samitit të NATO-s në Amsterdam, i...

I nxehti afrikan ‘pushton’ Shqipërinë, temperaturat arrijnë në 40 gradë këtë fundjavë

Në emisionin“ABC e Mëngjesit” Rezarta Xhakollari, meteorologe, ka bërë parashikimin e motit, për javën e fundit të muajit qershor. Gjatë intervistës, meteorologia, nënvizoi se ditët...

Liqenet vullkanike të malit Nemrut tërheqin entuziastët e natyrës me peizazhe mahnitëse

Liqenet vullkanike në malin Nemrut, në Tatvan të provincës lindore Bitlis të Turqisë, vazhdojnë të magjepsin kampistët, dashamirësit e natyrës dhe fotografët me liqenet...

Bombarduesit B-2 kthehen në SHBA pasi sulmeve në Iran

Pas sulmeve të para amerikane në Iran, bombarduesit amerikanë B-2 pa kthehen në SHBA. BBC shkruan se B-2 fluturuan përsëri në bazën ajrore, Whiteman...

Bombat bërthamore në duar totalitare janë një rrezik i jashtëzakonshëm

Nga Edmond Panariti Sulmi i Shteteve të Bashkuara ndaj Iranit për të asgjësuar kapacitetet e tij për prodhim të armëve bërthamore shënon një zhvillim dhe...

Lajme të tjera

Web TV