33 punonjës të Qendrës shëndetësore Epidemiologjike në vendin tonë janë ngritur ditën e sotme në greve, pasi nuk kanë marrë pagat e vijës së parë të luftës kundra Covid-19 dhe nuk janë paguar as për punën jashtë orarit.
Zija Alhyses, kreu i Sindikatës së shëndetësisë dhe punonjës pranë kësaj qendre ka bërë me dije se që prej 26 nëntorit nuk janë marrë pagat që u ishin premtuar për punë që kanë kryer jashtë orarit.
Ata ndodhen në vijën e parë të rrezikut nga COVID-19 që prej dy muajsh tashmë, por deri në këto momente nuk kanë përfituar pagat për punën e madhe.
Personat në fjalë kanë pritur pasagjerët e trageteve dhe kryenin kontrollet e tyre kundër Convid 19, si dhe kanë arritur, sipas tij deri në 40 tamponë në ditë.
“Ditën e sotme jemi ngritur në grevë. Jemi 33 punonjës të Qendrës Shëndetësore Epidemiologjike pasi ne nuk kemi përfituar asnjë pagë siç parashikohej për mjekët dhe infermierët që janë në vijën e parë të luftës me Covid-19. Nuk ka mjaftuar kjo, por ditën e sotme sapo është marrë vesh për grevën tonë është ushtruar presion në këtë qendër që të mos dilnim në grevë. Punonjësit janë izoluar në qendër dhe nuk dalin për të punuar, por as për mediat për shkak të kërcënimeve me vendin e punës. Ndërkohë ende nuk na janë paguar orët shtesë që kemi punuar në 6 muajt e fundit”,- tha Alhysa.K.t/Fjala.al/
